Passiv werden

Hesch Bogg??

Hesch uns ghört und es het Dir gfalle? Hesch Du Fründe, Bekannti oder Vrwandti in unserer Gugge? Oder hesch aifach Freud dra, e Basler Gugge z unterstütze?

Mäld Di bi uns mit’ere Passivmitgliedschaft ah! Mit Dim Jooresbytrag traisch Du byspielswyys drzue bi, dass mir uns Note, Goschdym und/oder Larve könne beschaffe.

Dini Unterstützig freut uns sehr und die Freud gänd mir gärn zrugg! Dorum organisiere mir vieli Ahläss, wo mir Di als Passivmitglied gärn begrüesse. Das wäre unter anderem Apéros (Fasnachtszyschtig zB) oder Summerahläss. Au zue andere Vereinsaktivitäte wirsch Du yglade.

Folgendi Mitgliedschafte sind bi uns mögligg:

Einzel-Passivmitgliedschaft CHF 25
Familie-Passivmitgliedschaft CHF 35

D’Familiemitgliedschaft umfasst alli im gliche Huushalt läbende Familiemitglieder.

Bi Bytritt zwüsche’n’em 1. Februar und em 30. April gilt dr zahlti Mitgliedschaftsbytrag au fürs folgende Vereinsjoor (1. Mai – 30. April).